“Volqoqrad-Bakı” Parkından bayraqlar niyə yığışdırılıb?
Moskva, 6 mart, AZƏRTAC
“Volqoqrad-Bakı” Dostluq Parkında dalğalanan Azərbaycan və Rusiya bayraqları yeniləri ilə əvəz olunacaq.
AZƏRTAC xəbər verir ki, bu barədə “Bloknot Volqoqrad” nəşri yazıb. İki ölkənin uzun müddət parkda dalğalanan bayraqlarının qəfildən yoxa çıxması şəhər sakinlərini narahat edib.
“Bloknot-Volqoqrad” nəşri şəhər meriyasına məsələ ilə bağlı müraciət edib. Meriyadan bildiriblər ki, havanın təsirindən bayraqların rəngi solub və bu səbəbdən onların yenisi ilə əvəz olunmasına qərar verilib. Yaxın günlərdə Azərbaycan və Rusiya bayraqları yenidən parkı bəzəyəcək.
Xatırladaq ki, “Volqoqrad-Bakı” Dostluq Parkının təməli 2013-cü ildə “Rusiya-Azərbaycan: regionlararası dialoq” Beynəlxalq Forumu çərçivəsində qoyulub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
