X platformasına qarşı yeni şikayət təqdim olunub
Paris, 16 aprel, AZƏRTAC
“Sərhədsiz Reportyorlar” təşkilatı İlon Maskın Fransada məhkəməyə çağırılması ərəfəsində X sosial şəbəkəsi əleyhinə yeni şikayət təqdim edib.
AZƏRTAC xəbər verir ki, şikayət Paris Prokurorluğunun Kibercinayətlər şöbəsinə ünvanlanıb və platformanın yanlış məlumatların yayılmasına qarşı effektiv tədbir görməməsinin səbəblərinin araşdırılması tələb olunub.
Təşkilat iddia edib ki, X platforması təkrarlanan qayda pozuntularına və qanunsuz məzmunla bağlı xəbərdarlıqlara reaksiya vermir.
Qeyd edək ki, məhkəmə prosesi çərçivəsində artıq X-in Fransadakı ofislərində axtarış aparılıb. İlon Mask aprelin 20-də Fransada məhkəmədə ifadə verəcək.
Bu iş Avropada rəqəmsal platformaların tənzimlənməsi və dezinformasiyaya qarşı qanunvericiliyin tətbiqi kontekstində həyata keçirilir.
Bölmənin digər xəbərləri
