Xalqımız bütün dünyaya yenilməzliyini və iradəsini nümayiş etdirdi
Bakı, 20 yanvar (AZƏRTAC). Havanın soyuq və şaxtalı olmasına baxmayaraq, 20 Yanvar şəhidlərimizi ziyarət edən insanların ardı- arası kəsilmir. Hər bir azərbaycanlı, Vətənini sevən insan paytaxtın ən yüksək yerində yerləşən bu müqəddəs məkanı ziyarət etməyi özünə borc bilir.
Belə insanlardan biri də Azərbaycan Memarlıq və İnşaat Universitetinin müəllimi İsmayıl Səfiyevdir. AZƏRTAC-a müsahibə verən İ.Səfiyev bildirmişdir ki, 20 Yanvar heç zaman unudulmayan bir tarixdir. Bu, artıq tənəzzülə uğrayan keçmiş sovet imperiyasının insanlığa qarşı həyata keçirdiyi qanlı və amansız aksiyası idi. Xalqımız böyük itkilər verdi. Lakin bu gün xalqımızın həm hüzn, həm də şərəf günüdür. Həmin gecə Azərbaycan xalqı yenilməzliyini və iradəsini bütün dünyaya nümayiş etdirdi.
Bölmənin digər xəbərləri
