SİYASƏT
XİN: Ermənistanın heç bir çərçivəyə sığmayan davranışının qarşısı alınmalıdır
![XİN: Ermənistanın heç bir çərçivəyə sığmayan davranışının qarşısı alınmalıdır](/files/2023/3/1200x630/16936464972859759430_1200x630.jpg)
Bakı, 2 sentyabr, AZƏRTAC
Azərbaycanın tarixi və beynəlxalq hüquqi çərçivədə mövcud olan ərazilərinə qarşı əsassız iddialarından, tarixin saxtalaşdırılmasından əl çəkməyən, beynəlxalq hüququn prinsiplərini kobudcasına pozan, yürütdüyü təcavüz siyasəti səbəbindən düşdüyü acınacaqlı vəziyyətdən nəticə çıxarmayan Ermənistanın heç bir çərçivəyə sığmayan bu davranışının qarşısı alınmalıdır.
AZƏRTAC xəbər verir ki, bu sözlər Azərbaycan Xarici İşlər Nazirliyinin (XİN) Ermənistanın baş naziri Nikol Paşinyanın sentyabrın 2-də Azərbaycanın suverenliyi və ərazi bütövlüyünə qarşı iddialarını növbəti dəfə sübut edən və Azərbaycanın Qarabağ bölgəsində separatçılığın təşviq olunmasına xidmət edən bəyanatına dair şərhində bildirilib.
Şərhdə, həmçinin Nikol Paşinyanın bu açıqlamasının bir müddət əvvəl səsləndirdiyi Qarabağ bölgəsi daxil, Azərbaycanın ərazi bütövlüyünün dəstəkləndiyi barədə bəyanatı ilə ziddiyyət təşkil etdiyi və hazırda aparılan sülh prosesinə ciddi zərbə vurduğu diqqətə çatdırılıb.