Xocalı ayı çərçivəsində Luqansk şəhərində anma mərasimi keçirilmişdir
Bakı, 21 fevral, (AZƏRTAC). Ukrayna Azərbaycanlı Gənclər Birliyi (UAGB) və Dialoq və Əməkdaşlıq uğrunda İslam Konfransı Gənclər Forumunun (İKGF) təşkilatçılığı ilə Xocalı ayı çərçivəsində Luqansk şəhərində anma mərasimi keçirilmişdir.
UAGB-dən AZƏRTAC-a bildirmişlər ki, tədbirdə Azərbaycan və Ukrayna televiziyalarının birgə istehsalı olan "Qarabağ tarixin burulğanında" sənədli filmi nümayiş olunmuşdur.
Mərasimdə çıxış edən Ukrayna Azərbaycanlıları Konqresinin Luqansk vilayət təşkilatının sədr müavinləri Telman Cəfərov, Akif Hümbətov, Hindistan Cəmiyyətinin gənclər təşkilatının sədri Mayna Jabasta, UAGB-nin baş katibi Ayaz Salmanov, birliyin Luqansk vilayət təşkilatının sədri Nahid Uğurluyev, gənc fəallardan Anna Semikos və başqaları ermənilərin Xocalı şəhərində törətdiyi qəddarlığın Azərbaycan xalqına qarşı əsl soyqırımı siyasəti olduğunu vurğulamışlar. Çıxış edənlər beynəlxalq təşkilatların insanlığa yönəlmiş belə bir bəşəri cinayətə indiyədək hüquqi, siyasi qiymət verməməsini tarixi ədalətsizlik kimi dəyərləndirmişlər.
Bölmənin digər xəbərləri
