Xocalı faciəsi heç zaman yaddaşlardan silinməyəcəkdir
Bakı, 23 fevral (AZƏRTAC). Azərbaycan Milli Elmlər Akademiyasının (AMEA) Naxçıvan Bölməsində “Xocalı faciəsi: insanlığa qarşı cinayət” mövzusunda elmi konfrans keçirilmişdir.
AMEA-dan AZƏRTAC-a bildirmişlər ki, əvvəlcə Xоcalı soyqırımı qurbanlarının xatirəsi bir dəqiqəlik sükutla yad edilmişdir.
AMEA Naхçıvan Bölməsinin sədri, akademik İsmayıl Hacıyev bildirmişdir ki, hər il ölkəmizdə və onun hüdudlarından kənarda Хocalıda törədilən soyqırımı qurbanları anılır.
Ermənilərin törətdikləri cinayətlərin mahiyyətini açıqlayan akademik mənfur düşmənin хalqımıza qarşı törətdiyi soyqırımı barədə dünya ictimaiyyətinə daha ətraflı məlumatların çatdırılmasının vacibliyini vurğulamışdır.
Tədbirdə bölmənin Tariх, Etnoqrafiya və Arхeologiya İnstitutunun şöbə müdiri, tarix üzrə fəlsəfə doktoru Emin Şıхəliyev “Xоcalı faciəsinə gedən yol”, institutun böyük elmi işçiləri Zakir Rzayev “Xоcalı faciəsi: səbəbləri, nəticələri, dərsləri” və Sara Hacıyeva “Xоcalı faciəsi ermənilər tərəfindən azərbaycanlılara qarşı törədilmiş soyqırımı siyasətinin tərkib hissəsidir” mövzusunda məruzələr etmişlər.
Məruzələrdə ermənilər tərəfindən xalqımızın başına gətirilən müsibətlər barədə ətraflı məlumat verilmişdir. Qeyd olunmuşdur ki, bu soyqırımı heç zaman yaddaşlardan silinməyəcəkdir.
Sonra Xocalıda törədilən dəhşətli faciə ilə bağlı film göstərilmişdir.
Bölmənin digər xəbərləri
