Xocalı faciəsi qurbanlarının xatirəsi Gənc Tamaşaçılar Teatrının səhnəsində də anılacaqdır
Bakı, 19 fevral (AZƏRTAC). Fevralın 26-da Azərbaycan Dövlət Gənc Tamaşaçılar Teatrında Xocalı faciəsi qurbanlarının xatirəsi yazıçı-publisist Vaqif Əlixanlının “Hardasan, oğul” əsəri əsasında səhnələşdirilmiş “Əcəl atı” tamaşasının nümayişi ilə anılacaqdır.
Teatrın mətbuat xidmətindən AZƏRTAC-a bildirmişlər ki, tamaşanın quruluşçu rejissoru Ağalar İdrisoğlu, quruluşçu rəssamı Mustafa Mustafayev, bəstəkarı, Əməkdar İncəsənət Xadimi Sərdar Fərəcov, rejissoru Sərvər Əliyevdir.
Səhnə əsərində əsas rolları əməkdar artistlər Qəmər Məmmədova, Rahib Əliyev, Lətifə Əliyeva, aktyorlar Şəfəq Əliyeva, Xalidə Şərifova, Yasəmən Məmmədova, Hüsniyyə Əhmədova, Məhərrəm Musayev və başqaları canlandıracaqlar.
Bölmənin digər xəbərləri
