Xocalı faciəsi qurbanlarının xatirəsi Lindakivi mədəniyyət mərkəzində ehtiramla yad ediləcəkdir
Tallin, 23 fevral (AZƏRTAC). Fevralın 26-da Lindakivi mədəniyyət mərkəzində Xocalı faciəsi qurbanlarını anma günü keçiriləcəkdir. Azərbaycanın Estoniyadakı səfirliyinin iştirakı ilə təşkil edilən tədbirdə o dəhşətli gecənin hadisələrindən bəhs edən film göstəriləcəkdir.
Azərbaycanın Xocalı şəhərinin sakinlərinin Ermənistan silahlı dəstələri tərəfindən kütləvi şəkildə qətlə yetirilməsi tarixə Xocalı faciəsi kimi düşmüşdür. 1992-ci il fevralın 25-dən 26-na keçən gecə Sovet Ordusunun Xankəndidə yerləşən 366-cı alayının köməyinə güvənən erməni silahlı dəstələri Xocalı şəhərini yerlə-yeksan etmişlər. Xocalıya hücum zamanı şəhərin yüzlərlə dinc sakini həlak olmuşdur.
Nigar Hüseynova
AZƏRTAC-ın xüsusi müxbiri
Tallin
Bölmənin digər xəbərləri
