XOCALI FACİƏSİ QURBANLARININ XATİRƏSİ YAD EDİLMİŞDİR
Universitetdən AZƏRTAC-ın müxbirinə bildirmişlər ki, mərasim iştirakçıları Xocalı soyqırımı zamanı şəhid olan soydaşlarımızın xatirəsini bir dəqiqəlik sükutla yad etmişlər.
Universitetin prorektoru Şaiq Əsgərov XX əsrdə erməni vəhşiləri tərəfindən törədilən Xocalı faciəsinin ən dəhşətli və misli görünməmiş terror hadisəsi olmasından danışmışdır.
Siyasi tarix kafedrasının müdiri, professor Bəhruz Abdullayev erməni millətçilərinin zaman-zaman Azərbaycan torpaqlarında xüsusi vəhşiliklə törətdikləri qanlı hadisələrdən, xalqımızın başına gətirdikləri müsibətlərdən danışmış, gec-tez haqqın qalib gələcəyini söyləmişdir. O, gəncləri tariximizin həmin dövrünü unutmamağa çağırmışdır.
Sonra Azərbaycan Dövlət Mədəniyyət və İncəsənət Universiteti aktyorluq fakültəsinin tələbələrinin ifasında Xocalı faciəsinə həsr olunmuş ədəbi-bədii kompozisiya göstərilmişdir.
Bölmənin digər xəbərləri
