“Xocalı faciəsi XX əsrin ən dəhşətli soyqırımı kimi” mövzusunda konfrans keçirilmişdir
Bakı, 23 fevral (AZƏRTAC). Gənc Vətənpərvərlər Birliyi “Xocalı faciəsi XX əsrin ən dəhşətli soyqırımı kimi” mövzusunda konfrans keçirmişdir.
Bildirilmişdir ki, 19 il əvvəl şəhəri yerlə-yeksan etmiş erməni silahlı dəstələri dinc əhaliyə divan tutmuşdur. Bu soyqırım nəticəsində 63-ü uşaq, 106-sı qadın, 70-i qoca olmaqla 613 nəfər Xocalı sakini qətlə yetirilmiş, 8 ailə tamamilə məhv edilmiş, 25 uşaq hər iki valideynini, 130 uşaq valideynlərindən birini itirmişdir. Düşmən gülləsinə tuş gəlib yaralanan 487 nəfərdən 76-sı uşaq olmuşdur. Sakinlərdən 1275-i əsir, 150-si itkin düşmüşdür.
Tədbirdə beynəxalq təşkilatlara müraciət qəbul olunmuşdur.
Müraciətdə beynəlxalq təşkilatlardan bu ədalətsizliyə münasibət bildirmələri və Xocalı soyqırımının beynəlxalq aləmdə tanınması məsələsində fəal olmaları tələb olunur.
Bölmənin digər xəbərləri
