“Xocalı: şahidlər danışır” kitabı qırğız dilində işıq üzü görüb
Bakı, 23 yanvar, AZƏRTAC
Xocalı soyqırımının 34-cü ildönümü ərəfəsində yazıçı-publisist, tarix üzrə fəlsəfə doktoru İradə Əlilinin "Xocalı: şahidlər danışır" kitabı qırğız dilində nəşr olunub.
AZƏRTAC xəbər verir ki, kitab Qırğızıstanda fəaliyyət göstərən Türkdilli Dövlətlərin Siyasətinə Dəstək Fondunun sifarişi ilə tərcümə olunub. Bu təşəbbüs Fondun prezidenti Nüsrət Məmmədov tərəfindən irəli sürülüb. Kitabın qırğız dilinə tərcüməçisi və redaktoru Temirbek Toktoqazıyevdir.
Kitabda o qanlı hadisənin şahidlərinin xatirələri və Xocalı gənclərinin fikirləri yer alıb.
Kitabın “Ön söz” müəllifi professor Elmira Süleymanovdur.
Qeyd edək ki, bu, Türkdilli Dövlətlərin Siyasətinə Dəstək Fondu tərəfindən tərcümə edilib, nəşr olunan 171-ci kitabıdır.
Bölmənin digər xəbərləri
