Xocalı soyqırımı Bakının təhsil müəssisələrində qeyd edilir
Bakı, 23 fevral (AZƏRTAC). Bakının bütün təhsil müəssisələrində Xocalı soyqırımının 20-ci ildönümü qeyd olunur.
Bakı Şəhəri üzrə Təhsil İdarəsindən AZƏRTAC-a bildirmişlər ki, qurumun tədbirlər planına müvafiq olaraq, ümumtəhsil müəssisələrində mühazirələr, bədii qiraət saatları təşkil olunur, təhsil müəssisələrinin internet şəbəkəsi və saytlarına Xocalı soyqırımını əks etdirən materiallar yerləşdirilir. Bununla yanaşı, mövzuya dair foto-stendlər, guşələr hazırlanır, rəsm sərgiləri, ədəbi-bədii kompozisiyalar keçirilir, divar qəzetləri tərtib edilir, sənədli və bədii filmlər nümayiş olunur.
Ümumtəhsil məktəbləri və məktəbdənkənar təhsil müəssisələrində matəm mitinqlərinin, xatirə gecələrinin, soyqırımının şahidləri ilə görüşlərin, “Xocalı həftəsi”nin təşkili də keçirilən tədbirlər sırasındadır.
Fevralın 24-də ümumtəhsil məktəblərində və məktəbdənkənar təhsil müəssisələrində ilk dərs və məşğələlər Xocalı soyqırımına həsr ediləcəkdir.
Bölmənin digər xəbərləri
