Xocəsən yolunda avtobus yanıb
Bakı, 7 mart, AZƏRTAC
Martın 7-də saat 07:45 radələrində 596 nömrəli marşrut xətti üzrə Xocəsən dairəsindən Meyvəli bazarı istiqamətinə hərəkətdə olan “İVECO OTOYOL” markalı 90 LR 327 nömrə nişanlı avtobus ilkin məlumata görə mühərrikində baş vermiş qısa qapanma səbəbindən yanıb.
AZƏRTAC-a Baş Dövlət Yol Polisi İdarəsinin şöbə rəisi Rövşən Tağıyevin verdiyi məlumata görə, hadisə nəticəsində ölən və xəsarət alan olmasa da, avtobus yararsız hala düşüb. Hadisə yerinə dərhal yaxınlaşan Yol Patrul Xidmətinin əməkdaşları sərnişinlərin və digər yol hərəkəti iştirakçılarının təhlükəsizliyini təmin edib. Yanğın qısa müddət ərzində söndürülüb. Qeyd olunan yolda hərəkət tam bərpa edilib.
Bölmənin digər xəbərləri
