Yanvar faciəsi xalqımıza qarşı əsl soyqırımı idi
Bakı, 20 yanvar (AZƏRTAC). 20 Yanvar faciəsi xalqımızın qan yaddaşında əbədi həkk olunmuşdur. Həmin günlərdə Azərbaycanın, xalqımızın azadlığını, şərəf və ləyaqətini hər şeydən uca tutan mərd Vətən övladları canlarından keçərək şəhidlik zirvəsinə ucalmışlar.
Bu sözləri AZƏRTAC-a müsahibəsində Şəhidlər xiyabanını ziyarətə gəlmiş Nizami rayonunun Heydər Əliyev adına parkının təsərrüfat müdiri Cahid Məmmədov söyləmişdir. C.Məmmədov günahsız insanların qətli ilə nəticələnən görünməmiş vəhşiliklərin bilavasitə şahidi olduğunu bildirmişdir. O, bu hadisələrin əslində Azərbaycan xalqına qarşı soyqırımı olduğunu, eyni zamanda, şəhidlərimizin qanının yerdə qalmayacağını nəzərə çarpdırmışdır.
Bölmənin digər xəbərləri
