İQTİSADİYYAT
Yanvar-may aylarında magistral neft kəmərləri ilə 16261,3 min ton neft nəql olunub
Bakı, 16 iyun, AZƏRTAC
Cari ilin yanvar-may aylarında magistral neft kəmərləri ilə 16261,3 min ton neft nəql edilib. Nəqletmənin 76,5 faizi Bakı-Tbilisi-Ceyhan neft ixrac kəməri ilə həyata keçirilib və 12434,6 min ton neft ötürülüb.
Dövlət Statistika Komitəsindən AZƏRTAC-a bildirilib ki, BTC kəməri ilə nəql edilən neftin 84,3 faizini və ya 10486,1 min tonunu Azərbaycanda hasil olunan neft, 15,7 faizini və ya 1948,5 min tonunu isə Türkmənistan və Qazaxıstandan daxil olan neft təşkil edib.
Magistral qaz kəmərləri ilə 17896,7 milyon kub-metr qaz nəql edilib və əvvəlki ilin müvafiq dövrünə nisbətən 5,2 faiz artım müşahidə olunub. Qazın nəqlinin 51,6 faizi Bakı-Tbilisi-Ərzurum Cənubi Qafqaz Boru Kəməri vasitəsilə həyata keçirilib və 9229,3 milyon kubmetr qaz ötürülüb.
Bölmənin digər xəbərləri
