YAP Yevlax rayon təşkilatında Xocalı faciəsinin ildönümü ilə bağlı tədbir keçirilmişdir
Yevlax, 22 fevral (AZƏRTAC). Yeni Azərbaycan Partiyası (YAP) Yevlax rayon təşkilatında Xocalı faciəsinin 20-ci ildönümü ilə bağlı tədbir keçirilmişdir.
YAP Yevlax rayon təşkilatı aparatının rəhbəri Əli Quliyev, təşkilatın qadınlar şurasının sədri Əminə Əhmədova və başqaları tədbirdə çıxış edərək, 20 il əvvəl erməni millətçiləri tərəfindən Xocalıda dinc əhaliyə qarşı törədilmiş faciədən danışmış, bu qırğın faktını əsl soyqırımı kimi qiymətləndirmişlər.
Tədbirdə faciənin 20-ci ildönümü ilə əlaqədar rayon məktəbliləri arasında keçirilmiş “Xocalıya mərhəmət” adlı inşa yazı və şeir müsabiqəsinin qaliblərinə YAP rayon təşkilatı tərəfindən fəxri fərman və hədiyyələr verilmişdir.
Bölmənin digər xəbərləri
