Yaponiya İmperatoru ilk dəfə xalqı Yeni il münasibətilə videomüraciətlə təbrik edib
Tokio, 1 yanvar, AZƏRTAC
Yaponiya İmperatoru Naruhito ilk dəfə xalqı Yeni il münasibətilə videomüraciət vasitəsilə təbrik edib.
AZƏRTAC Yaponiya İmperatorunun İşlər İdarəsinin yaydığı müraciətə istinadla xəbər verir ki, İmperator Naruhito və İmperatriçə Masako koronavirus pandemiyasının ziyan vurduğu insanlara təsəlli veriblər, həmişə onların yanında olduqlarını vurğulayıblar.
Qeyd edək ki, Yaponiya İmperator sarayının ərazisində təşkil edilən salamlama ilk dəfə olaraq cari ildə ləğv edilib.
İmperator Naruhito videomüraciətində insanların sağlamlığının mühafizəsində dayanan səhiyyə işçilərinə və sosial təminat sahəsinin digər işçilərinə xüsusi minnətdarlığını ifadə edib.
Hələ qədim dövrlərdən insanların yoluxucu xəstəliklərə qarşı fədakarlıqla mübarizədə qalib gəldiyini xatırladan İmperator, bunun məhz milli birlik və təmkinlə əldə edildiyini qeyd edib. Bu çətin dövrdə insanları biri-birinin yanında olmağa çağıran monarx, bu ağır günlərində tezliklə arxada qalacağına ümidvar olduğunu bildirib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
