YAPONİYA TAXT-TACININ VƏLİƏHDİ DÜNYAYA GƏLDİ
Yaponiya KİV-lərinin məlumatına görə, Tokiodakı özəl klinikada Qeysər kəsiyi əməliyyatı ilə dünyaya gələn oğlanın çəkisi 2,5 kiloqramdır.
Beləliklə, Yaponiya taxt-tacının ölkədə 40 ildən artıq gözlənilən varisi meydana gəlmişdir. Bu müddət ərzində Yaponiya şahzadələrinin ikisinin də ancaq qız uşaqları doğulmuşdur.
Formal olaraq imperator taxt-tacının iki varisi olmuşdur: onun oğulları Naruhito və Akişino. Lakin kral ailəsində belə uzun müddət oğlan uşağının doğulmaması bütün Yaponiyanı ciddi narahat edirdi. Hətta 2001-ci ildə Yaponiyanın Baş naziri Dzünitiro Koidzumi ikiminillik ənənəni pozmağı və tax-tacın qadın xətti ilə ötürülməsinə icazə verilməsini təklif etmişdi. Lakin bu, cəmiyyətdə qəti etirazlara səbəb olmuşdu.
Şahzadə Kiko hamilə olduğunu bildirəndə İmperator sarayı dərhal elan etmişdi ki, şahzadəni stresdən qorumaq üçün uşaq doğulanadək onun cinsi gizli saxlanacaqdır.
Bölmənin digər xəbərləri
