YAPONİYA XARİCİ İŞLƏR NAZİRİNİN BİRİNCİ MÜAVİNİ “ŞİMAL” DRES-DƏ OLMUŞDUR
AZƏRTAC xəbər verir ki, yanvarın 15-də Yaponiya xarici işlər nazirinin birinci müavini İçiro Aisava “Şimal” DRES-də olmuşdur.
Qonaq və onu müşayiət edən şəxslər yaponiyalı mütəxəssislərin 2002-ci ildə burada inşa etdikləri və dünya standartlarına cavab verən 400 meqavatlıq birinci enerji bloku ilə tanış olmuşlar. Sonra burada keçirilən görüşdə “Şimal” DRES-də analoji bu cür ikinci blokun tikintisi ilə bağlı danışıqlar aparılmışdır.
Görüşdə sənaye və energetika naziri Məcid Kərimov, “Azərenerji” ASC-nin prezidenti Etibar Pirverdiyev və Yaponiyanın ölkəmizdəki səfiri Tadahiro Abe iştirak etmişlər.
Bölmənin digər xəbərləri
