YAPONİYA YIĞMASININ MƏŞQÇİSİ DÜNYA ÇEMPİONATININ TƏŞKİLATÇILARINI TƏNQİD ETMİŞDİR

19.06.2006 [15:42]
Çap et
A⁺ A^-

AZƏRTAC xarici KİV-lərə istinadla xəbər verir ki, Yaponiya yığmasının baş məşqçisi, daha çox Ziko adı ilə tanınan braziliyalı Artur Antunyeş Koimbra dünya futbol çempionatı təşkilatçılarının qərarından narazılığını bildirmişdir. Onun fikrincə, təşkilatçılar təqvimi elə tərtib etmişlər ki, yaponlar bir-birinin ardınca iki oyunu günün ən qızmar vaxtında keçirməli olmuşlar. Onun sözlərinə görə, belə isti hava şəraitində komandanı iki görüş keçirməyə məcbur etmək cinayətdir.

Məşqçi 0:0 hesabı ilə başa çatan Xorvatiya ilə görüşdən sonra demişdir: “Avstraliya ilə oyuna da saat (orta Avropa vaxtı )15-də başladıq. Təşkilatçılar, ilk növbədə, televiziyanın mənafeyini nəzərə alırlar, çünki başlıcası biznesdir. Belə qızmar isti üzündən bugünkü görüşün ikinci hissəsində yaxşı oyun nümayiş etdirə bilmədik. Buna baxmayaraq, imkanımız hələ var və biz mübarizə aparacağıq”.

Hazırda F qrupunda Braziliya komandası 6 xala, Avstraliya yığması 3 xala malikdir, Yaponiya və Xorvatiyanın isə hərəyə 1 xalı var. Sonuncu mərhələdə Yaponiya Braziliya ilə Avstraliya isə Xorvatiya ilə qarşılaşacaqdır.

YAPONİYA YIĞMASININ MƏŞQÇİSİ DÜNYA ÇEMPİONATININ TƏŞKİLATÇILARINI TƏNQİD ETMİŞDİR

MÜƏLLİFLƏ ƏLAQƏ

Bölmənin digər xəbərləri