Yaponiyada 6,9 bal gücündə zəlzələ olub
Bakı, 25 iyun, AZƏRTAC
Yaponiyanın şimal-şərqində 6,9 bal gücündə zəlzələ baş verib.
AZƏRTAC xəbər verir ki, ölkənin Milli Meteorologiya İdarəsinin məlumatına görə, zəlzələnin episentri İvate prefekturasının şərqində, Sakit Okeanda, 50 kilometr dərinlikdə olub. Zəlzələdən sonra sunami xəbərdarlığı verilsə də, bir neçə dəqiqə sonra ləğv edilib. Tələfat və ya dağıntı barədə məlumat verilməyib.
Yaponiya Baş naziri Sanae Takaiçinin dəftərxanasında zəlzələ və onun nəticələri barədə məlumat toplamaq və təhlil etmək üçün təcili qərargah yaradılıb.
Bölmənin digər xəbərləri
