Yaponiyada təbii fəlakət zamanı itən əşyaların sahiblərinin axtarışı davam edir
Tokio, 4 mart, AZƏRTAC
Yaponiyanın şimal-şərqində 2011-ci il martın 11-də baş verən dəhşətli zəlzələdən sonra itmiş əşyaların sahiblərinin axtarışı davam edir.
AZƏRTAC Yaponiya KİV-lərinə istinadla xəbər verir ki, Tokioda nümayiş olunan fotoların, məktubların və digər şəxsi əşyaların sərgisində məqsəd həmin əşyaları ya sahiblərinə, ya da onların qohumlarına və yaxınlarına çatdırmaqdır.
Bildirilir ki, İvate prefekturasının Rikuzentakata şəhərindən olan özəl şirkət hələ də şəhər administrasiyasının tapşırığına əsasən, sayı 75 mini ötən əşyanın sahiblərini axtarır.
Həmin əşyalar səyyar şəkildə müxtəlif şəhərlərdə, o cümlədən məcburi köçkünlərin hazırda məskunlaşdığı Tokioda nümayiş olunur. Sərgiyə gələnlər, eyni zamanda, həmin əşyalarla kompüter ekranlarında da tanış ola bilərlər.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
