Yardımlıda indiyədək 640 hektar sahənin taxılı biçilib
Yardımlı, 26 iyun, Bağır Əliyev, AZƏRTAC
Bu il Yardımlı rayonunda ümumilikdə 3602 hektar sahədə taxıl əkini aparılıb. Bunun 3092 hektarı buğda, 350 hektarı arpa, 120 hektarı çovdar, 40 hektarı isə vələmir sahəsidir.
Bu baradə AZƏRTAC-ın bölgə müxbirinə Yardımlı Rayon Statistika İdarəsindən məlumat verilib.
Bildirilib ki, indiyədək rayonda 640 hektar sahədə taxıl biçini aparılıb. Bunun 350 hektarını buğda, 200 hektarını arpa, 90 hektarını digər dənlilər təşkil edir.
Hazırda Yardımlıda taxıl yığımı kampaniyası davam edir.
Bölmənin digər xəbərləri
