Yaxın iki gündə əksər rayonlarda əsasən yağmursuz hava şəraiti müşahidə olunacaq
Yaxın iki gündə Azərbaycanın bölgələrində gözlənilən hava şəraiti açıqlanıb.
Bu barədə AZƏRTAC-a məlumat verən Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova bildirib ki, noyabrın 8-i və 9-da respublikanın əksər rayonlarında əsasən yağmursuz hava şəraiti müşahidə olunacaq. Gecə və səhər bəzi yerlərdə duman olacağı, şimal və şərq rayonlarında isə yağış yağacağı gözlənilir. Şərq küləyi əsəcək.
Havanın temperaturunun gecə 2-7, gündüz 14-19 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 12-17 dərəcə isti olacağı ehtimal olunur.
Bölmənin digər xəbərləri
