YAZIÇI-ALİMİN “SORAQ KİTABÇASI”

07.06.2004 [22:59]
Çap et
A⁺ A^-

AZƏRTAC xəbər verir ki, “Təhsil” Mərkəzinin Nəşriyyat-Poliqrafiya İdarəsi yazıçı, filologiya elmləri doktoru, professor Aqşin Babayevin “Soraq kitabçası”nı çap etmişdir. On bir çap vərəqi həcmində olan bu kitabda Aqşin Babayevin həyat və yaradıcılığı, müxtəlif illərdə Bakıda, Moskvada, Berlində, Ankarada çap olunmuş kitabları, pyesləri, oçerkləri, elmi məqalələri, müsahibələri, xarici dillərdə nəşr edilmiş əsərləri haqqında geniş məlumat verilmişdir.

Kitabın ikinci hissəsində ədəbiyyat və mədəniyyət xadimlərinin, qələm dostlarının, oxucuların yazıçı-alim haqqında ürək sözləri toplanmışdır. Bunların içərisində Mirzə İbrahimovun “İsti ürəklər”, Qulu Xəlilovun “Təbii, canlı, müasir”, türk tədqiqatçısı İrfan Ünver Nəsrəddinoğlunun “Könül dostu bir yazar: Aqşin Babayev”, habelə Əkrəm Cəfərin, Əli Tudənin müəllif haqqında məqalələri diqqəti xüsusilə cəlb edir.

Sayca müəllifin iyirmi səkkizinci kitabı olan bu əsərdə Aqşin Babayevin ömür yolunu əks etdirən fotoşəkillər də verilmişdir.