Yeni preparat insult riskini azaldır
Bakı, 20 aprel, AZƏRTAC
Genişmiqyaslı beynəlxalq tədqiqat zamanı müəyyən edilib ki, qanın laxtalanması əleyhinə dərman olan “Asundexia” ürəyin xaricində əmələ gələn laxtalanma (qeyri-kardioembolik insult) nəticəsində yaranan insult və ya keçici işemik tutma (TIA) keçirmiş insanlarda insult riskini azaldır. Bu preparat mövcud insult profilaktikasının ən ciddi və qorxulu fəsadını - qanaxmanı artırmadan pasiyentlərə kömək edir.
AZƏRTAC xarici mediaya istinadla xəbər verir ki, tədqiqatda 37 ölkədən qeyri-kardioembolik insultdan və ya beyinə qan axınının müvəqqəti tıxanmasından (TIA) 72 saat ərzində qeydiyyatdan keçmiş 12.327 yetkin şəxs iştirak edib.
“The New England Journal of Medicine” tərəfindən dərc edilən tədqiqatın nəticələri bu xəstələrdə başqa bir insultun qarşısının alınması üçün “Asundexia”nın təhlükəsizliyini və effektivliyini qiymətləndirib. Hazırda bu vəziyyətlərdə aparılan müalicə başqa bir insultun qarşısını almaq riskini yalnız orta dərəcədə azaldan və ya uzun müddət istifadə edildikdə qanaxmanı artıran bir növ laxtalanma əleyhinə dərman olan “Antitrombosit” preparatına əsaslanır.
“Asundexian” preparatı isə zərərli laxtalanma əmələ gəlməsində iştirak edən, lakin qanaxmanın dayandırılmasında yalnız kiçik bir rol oynayan proteini - XIa-nı bloklamaqla mövcud laxtalanma əleyhinə dərmanlardan fərqli şəkildə işləyir. XIa faktorunu bloklamaqla, bu preparat bədənin təbii qanaxma nəzarətini qoruyur, təhlükəli laxtalanmaların qarşısını ala bilir. Bu, hazırda OCEANIC-STROKE nəticələri ilə dəstəklənən laxtalanma əleyhinə dərmanlarda yeni bir paradiqmadır.
Yeni preparat hələ tənzimləyici araşdırma mərhələsindədir və hələlik klinik istifadə üçün təsdiqlənməyib.
Bölmənin digər xəbərləri
