YENİ QUYULAR DA QAZILACAQDIR
ARDNŞ-dən AZƏRTAC-a bildirmişlər ki, Kürovdağ neft-qaz yatağının istismarını aparan “Salyan Oyl” birgə müəssisəsində ilin əvvəlindən həyata keçirilən 438 geoloji və texniki tədbirlər nəticəsində 9 min tondan artıq əlavə neft hasil edilmişdir. Neft, qaz hasilatı üzrə proqnozlara da artıqlaması ilə əməl edilmişdir.
Əli Bayramlı şəhərinə mavi yanacaq nəqlini təmin etmək üçün Kürovdağ-2 qaz kəməri çəkilmiş, yeni qaz rezervuarlarının tikintisinə başlanmış, əmtəəlik rezervuarlar isə əsaslı təmir olunmuşdur.
Gələn il layihə dərinliyi 3500 metr olan yeni quyuların qazılması nəzərdə tutulur ki, bu da yataqdan neft-qaz hasilatının artmasına kömək edəcəkdir.
Bölmənin digər xəbərləri
