YOL-NƏQLİYYAT QƏZALARI ÖLÜMLƏ NƏTİCƏLƏNMİŞDİR
AZƏRTAC xəbər verir ki, Gəncə şəhərinin N.Nərimanov prospektində ağır yol-nəqliyyat qəzası baş vermişdir. Şəhər sakinləri Akif Mustafayevə məxsus “VAZ-21011” və Vüqar Bağırovun idarə etdiyi “Zil-130” markalı avtomaşınlar toqquşmuşdur. Xəsarət almış hər iki sürücü, A.Mustafayevin sərnişini - oğlu Amin, V.Bağırovun sərnişinləri - həmyerlisi Rüfət İsmayılov və Xanlar rayon sakini Rauf Sadıqov xəstəxanaya yerləşdirilmişlər. R.Sadıqov orada ölmüş, digərlərinin vəziyyətləri isə orta ağırdır.
İmişli rayonunda Seymur Məmmədov idarə etdiyi “Mercedes-240” markalı avtomaşınla həmyerlisi Araz Məstəliyevi vurmuşdur. Xəsarətlə xəstəxanaya yerləşdirilmiş A.Məstəliyevin həyatını xilas etmək mümkün olmamışdır.
Hər iki faktla bağlı cinayət işi açılmışdır, araşdırma aparılır.
Bölmənin digər xəbərləri
