YT Parkın rezidenti olmağa namizəd şirkətin nümayəndələri ilə görüş
Bakı, 1 noyabr, AZƏRTAC
AMEA Yüksək Texnologiyalar Parkında (YT Park) bu qurumun rezidenti olmağa namizəd şirkətin - “Eninco Engineering B.V.”nin (Niderland) nümayəndələrinin iştirakı ilə görüş keçirilib.
Əvvəlcə ümummilli lider Heydər Əliyevin YT Parkdakı büstü ziyarət olunub, Ulu Öndərin əziz xatirəsi ehtiramla anılıb.
Görüşdə Ermənistanın ölkəmizə qarşı törətdiyi hərbi təxribat nəticəsində gedən döyüşlərdə şəhid olan əsgərlərimizin xatirəsi bir dəqiqəlik sükutla yad edilib.
AMEA-dan AZƏRTAC-a bildirilib ki, tədbiri giriş sözü ilə açan Vasif Abbasov rəhbərlik etdiyi texnoparkın fəaliyyətindən danışıb. O, xarici investorlar üçün ideal platforma olan YT Parkın yerli və beynəlxalq tərəfdaşlıqlara böyük önəm verdiyini vurğulayıb.
Görüşdə, həmçinin “Eninco Engineering B.V.” şirkətinin fəaliyyəti və həyata keçirdiyi layihələr haqqında ətraflı məlumat verilib və “Mikrob korroziyası və onun Azərbaycan Respublikası üçün əhəmiyyəti haqqında qısa məlumat” mövzusunda məruzə dinlənilib.
Tərəflər layihələrin reallaşdırılmasında maraqlı olduqlarını bildiriblər.
Layihələr üzərində test əməliyyatları da keçirilib.
Bölmənin digər xəbərləri
