“Yuğ” Teatrının yaradıcı kollektivi Estoniyaya qastrol səfərinə yollanacaq
Bakı, 24 sentyabr, AZƏRTAC
Azərbaycan Dövlət “Yuğ” Teatrının yaradıcı kollektivi oktyabrın 31-də Estoniyanın paytaxtı Tallin şəhərində yerləşən Vene Kultuurikeskus teatrının səhnəsində çıxış edəcək.
Teatrdan AZƏRTAC-a bildirilib ki, qastrol səfəri zamanı Xalq yazıçısı Anarın “Asqılıqda işləyən qadının söhbəti” hekayəsinin motivləri əsasında hazırlanan “Asılqan” tamaşası nümayiş olunacaq. Səhnə əsərinin quruluşçu rejissoru Əbdülqəni Əliyevdir. Tamaşada əsas rolları aktyorlar Elşən Əsgərov və Ləman Mərrih ifa edəcəklər.
Səfər Mədəniyyət Nazirliyi, Azərbaycan Respublikasının Diasporla İş üzrə Dövlət Komitəsi, Karyera Təhsil Akademiyası və Teatr və konsert şəbəkəsinin dəstəyi ilə reallaşacaq.
Bölmənin digər xəbərləri
