Yüksək Liqa: “Azərreyl” komandası “Murov Az Terminal”a qalib gələrək liderliyini qoruyub
Bakı, 14 fevral, AZƏRTAC
Fevralın 13-də qadın voleybolçuların Yüksək Liqasında XIII tura start verilib.
AZƏRTAC xəbər verir ki, günün yeganə oyununda “Azərreyl" və “Murov Az Terminal” komandaları üz-üzə gəliblər.
Gənclər və İdman Nazirliyinin Voleybol Mərkəzində təşkil olunan qarşılaşma "dəmiryolçular"ın 3:1 hesablı qələbəsi ilə yekunlaşıb.
Bu nəticədən sonra xallarının sayını 33-ə çatdıran “Azərreyl" liderliyini qoruyub. “Murov Az Terminal” 29 xalla 2-ci, “Abşeron” isə 24 xalla üçüncü pillədə qərarlaşıb.
Qeyd edək ki, turun digər oyunları fevralın 14-də və 17-də keçiriləcək.
Bölmənin digər xəbərləri
