Yunanıstan minlərlə suriyalı qaçqını ölkəyə buraxmayıb
Afina, 29 fevral, AZƏRTAC
Yunanıstan Türkiyədən keçməklə oraya üz tutan minlərlə suriyalı qaçqını sərhəddən buraxmayıb.
AZƏRTAC xəbər verir ki, Yunanıstan hökumətinin təmsilçisi Stelios Petsas ölkəyə qeyri - qanuni yolla daxil olmaq istəyən miqrantların qarşısının alındığını bildirib. Qeyd olunur ki, yunan polisi ilə qaçqınlar arasında qarşıdurma və münaqişələr baş verir.
Xatırladaq ki, Türkiyə Prezidenti Rəcəb Tayyib Ərdoğan ölkə sərhədlərini Avropa İttifaqı istiqamətində açacağı barədə məlumat verib. O bildirib ki, ölkə artıq miqrant axınına tab gətirə bilmir.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
