YURİ SYOMİN RUSİYA FUTBOL YIĞMASININ BAŞ MƏŞQÇİSİ VƏZİFƏSİNDƏN GETMİŞDİR

08.11.2005 [23:03]
Çap et
A⁺ A^-

AZƏRTAC Rusiya KİV-lərinə istinadla xəbər verir ki, Yuri Syomin ölkə futbol yığmasının baş məşqçisi vəzifəsini rəsmən tərk etmişdir. Bu, Syominin Rusiya Futbol İttifaqının (RFİ) prezidenti Vitali Mutko ilə görüşündən sonra elan olunmuşdur. Mutko milli komandadakı səmərəli fəaliyyətinə görə məşqçiyə təşəkkürünü bildirərək demişdir ki, Yuri Pavloviç komandanı mürəkkəb məqamda qəbul etmiş və ciddi vəzifələri yerinə yetirməyə qadir yeni, perspektivli komanda yarada bilmişdir.

Mutko demişdir ki, Portuqaliya yığması ilə görüşdə Rusiya yığmasının gələcəyini gördük. Syominin işlədiyi dövrdə Rusiya yığması heç bir görüşdə məğlub olmamış və onun sayəsində kollektivdə sağlam əhval-ruhiyyə yaranmışdır.

Özünü, əsasən, klub məşqçisi sayan Y.Syomin isə bildirmişdir ki, RFİ ilə müqavilə üzrə bütün şərtləri yerinə yetirmişdir və indi diqqətini klublarla işə yönəltmək niyyətindədir. Lakin “Lokomotiv”in və milli yığmanın sabiq məşqçisi karyerasını məhz hansı klubda davam etdirmək niyyətində olduğunu açıqlamamışdır.

YURİ SYOMİN RUSİYA FUTBOL YIĞMASININ BAŞ MƏŞQÇİSİ VƏZİFƏSİNDƏN GETMİŞDİR

MÜƏLLİFLƏ ƏLAQƏ

Bölmənin digər xəbərləri