ZƏRDABDA HEYDƏR ƏLİYEV MUZEYİ TİKİLMİŞDİR
AZƏRTAC-ın müxbiri xəbər verir ki, Zərdab şəhərində 4 hektardan çox ərazini əhatə edən və ulu öndərimizin adını daşıyan parkda Heydər Əliyev muzeyi üçün bina tikilmişdir. Müasir memarlıq üslubunda inşa edilən bina foye və geniş salondan ibarətdir. Burada xalqımızın böyük oğlu, ümummilli liderimizin son dərəcə zəngin həyat və fəaliyyətinin ayrı-ayrı dövrlərini əks etdirən kitablar, fotoşəkillər və digər sənədlər toplanmışdır. Eksponatlar ayrı-ayrı guşələrdə yerləşdirilmişdir. Ulu öndərimizin 1978-ci ildə Zərdaba gəlişini, keçirdiyi görüşləri əks etdirən xatirə şəkilləri muzeyin ən qiymətli eksponatlarındandır.
Bölmənin digər xəbərləri
