Bakı, 11 yanvar, AZƏRTAC

İngiltərənin “Çelsi” klubu Rusiyanın “Zenit” komandasının yarımmüdafiəçisi Leandro Peredesi transfer etmək istəyir.

AZƏRTAC “Gazzetta dello Sport”a istinadla xəbər verir ki, London təmsilçisi Leandro Peredes üçün 30 milyon avrodan keçməyə hazırdır. Transfer reallaşsa klubun argentinalı futbolçuya 2023-cü ilədək qüvvədə olan müqavilə və ildə 4,5 milyon avro məvacib təklif edəcəyi bildirilir.

Xeyli vaxtdır xarici KİV-lərdə futbolçunun Rusiyadan getmək istəməsinə dair xəbərlər yer alır.