Boris Conson Brexit razılaşmasında Ali Məhkəmənin qərarına hörmət etdiyini açıqlayıb
London, 24 sentyabr, AZƏRTAC
Böyük Britaniyanın Baş Naziri Boris Conson Brexit razılaşması məsələsində Ali Məhkəmənin qəbul etdiyi qərara hörmət etdiyini bildirib.
AZƏRTAC xəbər verir ki, məhkəmə qərarının prosesi çətinləşdirdiyini bildirən B.Conson, qərarın doğru olmadığını, ancaq ona hörmət etdiyini söyləyib.
Baş Nazir əsas məsələnin oktyabrın 31-də Avropa İttifaqından çıxmaq olduğunu vurğulayıb.
Qeyd edək ki, Böyük Britaniyanın Ali Məhkəməsi Baş Nazir Boris Consonun ölkə parlamentinin fəaliyyətinin dayandırılması barədə qərarının ölkə konstitusiyasına və hüquqa zidd olduğunu bəyan edib.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
