2006-CI İLDƏ KƏKLİKOTUNDAN ƏN SƏMƏRƏLİDƏRMAN BİTKİSİ KİMİ İSTİFADƏ OLUNACAQ

25.12.2005 [12:45]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniyanın Vürtsburq Tibb Universitetinin dərman bitkilərinin tədqiq edən alimləri yabanı kəklikotunu (Thymus vulqarius) ən populyar dərman bitkisi adlandırmış və 2006-cı ildə ondan preparatların istehsalında daha çox istifadə olunmasını məsləhət bilmişlər.

Universitet alimlərinin son tədqiqatları göstərmişdir ki, kəklikotu insan orqanizmində tarazlığı pozan soyuqdəymənin müalicəsində müsbət təsirə malik dəyərli bitkilərdən biridir. O,immun və sinir sistemlərinə müsbət təsiri göstərir, orqanizmdə maddələr mübadiləsini, turşu-qələvi nisbətini tarazlayır. Bundan əlavə, kəklikotu lokal keyləşdirici təsirə də malikdir.

Kəklikotundan mətbəxlərdə müntəzəm olaraq ədva kimi istifadə olunması da məsləhət bilinir.