2020-ci ildə qlobal bərpaolunan enerji həcmi 9,7 faiz artıb
Bakı, 10 iyul, AZƏRTAC
Bioenerjini də əhatə edən qlobal bərpaolunan enerji tutumu 2020-ci ildə 9,7 faiz artıb.
AZƏRTAC xəbər verir ki, bu barədə BP-nin hesabatında deyilir.
Hesabata görə, bu nisbət son 10 ilin orta göstəricisi olan 13,4 faizdən aşağı olsa da, mövcud şərtlərə görə proqnozdan artıq artım qeydə alınıb. Pandemiyanın təsiri ilə 2020-ci ildə vahid enerji istehlakı müqabilində atmosferə buraxılan karbon emissiyasının həcmində 1,8 faiz azalma olub.
BP-nin baş icraçı direktoru Bernard Luni deyib: “İqtisadiyyatın yenidən canlanması və məhdudiyyətlərin başa çatması ilə karbon emissiyalarında azalmanın qısamüddətli olacağına dair proqnozlar var. Əsas məsələ gündəlik həyatda fasilələr olmadan karbon emissiyalarında davamlı azalmanı təmin etməkdir”.
Bölmənin digər xəbərləri
