2 MİLYARD KUBMETRDƏN ARTIQ QAZ ALINMIŞDIR
Bu ilin ilk altı ayı ərzində Azərbaycan elektrik stansiyaları üçün Rusiyadan 2 milyard kubmetrdən artıq qaz alınmışdır. Dövlət Neft Şirkətinin mətbuat xidmətindən AZƏRTAC-ın müxbirinə verilən məlumatda bildirilir ki, yay mövsümü ilə əlaqədar idxal qazının gündəlik həcmi hazırda 11,7 milyon kubmetrə enmişdir. Qazın nəqli Azərbaycan Dövlət Neft Şirkəti ilə “İtera” Beynəlxalq şirkətlər qrupu arasında bağlanmış müqaviləyə əsasən həyata keçirilir. Həmin müqaviləyə görə, cari ilin axırına qədər “İtera” Azərbaycana 5,5 milyon kubmetr qaz verəcəkdir. Tərəflər qazın min kubmetrinin qiymətini 52 ABŞ dolları səviyyəsində saxlamağı qərarlaşdırmışlar.
Bölmənin digər xəbərləri
