50 ÇARPAYILIQ XƏSTƏXANA TİKİLİR
Azərbaycan Respublikası Prezidentinin “Azərbaycan Respublikası regionlarının, o cümlədən Əli Bayramlı şəhərinin, Hacıqabul, Kürdəmir, Saatlı, Sabirabad, Ağstafa, Gədəbəy, Qazax, Şəmkir və Tovuz rayonlarının sosial-iqtisadi inkişafının sürətləndirilməsinə dair əlavə tədbirlər haqqında” Sərəncamına uyğun olaraq, Hacıqabulda tikintisi yarımçıq qalmış 50 çarpayılıq xəstəxananın inşaat işləri xeyli sürətləndirilmişdir.
Rayon icra hakimiyyətindən AZƏRTAC-ın müxbirinə bildirmişlər ki, tamamlama işlərinə 864 milyon manat vəsait ayrılmışdır. Podratçı təşkilat olan yerli 1 saylı Təmir-tikinti idarəsi hazırda binanın dam örtüyünü quraşdırır. Xəstəxananın gələn ilin mart ayında istifadəyə verilməsi nəzərdə tutulmuşdur.
Bölmənin digər xəbərləri
