Qaradağ Qazpaylayıcı və “Şimal “Elektrik stansiyalarını birləşdirən 90 kilometrlik qaz kəmərinin tikintisi başa çatmışdır. “Azəriqaz” Oapalı Səhmdar Cəmiyyətindən AZƏRTAC-ın müxbirinə bildirmişlər ki, 1020 və 720 millimetr diametri olan kəmərin təzyiqə davamlılığı artıq sınaqdan keçirilmişdir. Cari ilin oktyabr ayında son buraxılış-sazlama işlərinə başlanacaq bu xətt noyabrda istismara veriləcəkdir. Gün ərzində 10 milyon kubmetr qaz nəql etmək qabiliyyətinə malik olan bu kəmər “Şimal” Elektrik stansiyasının yanacaqla tam təminatına imkan yaradacaqdır.