Şabranlı müəllimlər kurikulumla bağlı təlimlərə cəlb olunub VİDEO
Şabran, 23 sentyabr, Elxan Yusifli, AZƏRTAC
Şabranda “Kurikulum nəzəriyyəsinin praktikada tətbiqi” mövzusunda təşkil edilən 10 günlük kurslara yekun vurulub.
AZƏRTAC xəbər verir ki, sonuncu təlimlər sentyabrın 23-də Roman Yusifov adına Şabran şəhər 2 saylı məktəb-liseyində təşkil edilib. Kurslara şəhər və kənd məktəblərini təmsil edən 12 müəllim cəlb olunub.
Təlimlərdə ümumilikdə 2016-2017-ci dərs ilində ümumtəhsil məktəblərinin I-IX siniflərində dərs deyəcək müəllimlər iştirak edilər.
Məşğələlərdə interaktiv təlim üsulları ilə müasir dərslərin qurulması və tədris edilməsi, həmçinin informasiya-kommunikasiya texnologiyalarından istifadə olunmaqla təhsilin keyfiyyətinin artırılması mövzusunda müzakirələr aparılıb.
Kurikulumun Azərbaycan təhsil sistemində tətbiq edildiyi 2008-ci ildən bu günədək Şabranda ümumilikdə 854 müəllim bu kimi təlimlərə cəlb olunub.
Bölmənin digər xəbərləri
