ELM VƏ TƏHSİL


Azərbaycan aliminin kitabı ”World Scientific” nəşriyyatında çap edilib

Bakı, 16 may, AZƏRTAC

Professor Mustafa Babanlının “Qeyri-səlis məntiqə əsaslanan material seçimi və sintezi” (Fuzzy logic-based material selection and synthesis) kitabı nüfuzlu “World Scientific” elm nəşriyyatında çapdan çıxıb.

ADNSU-dan AZƏRTAC-a bildiriblər ki, ingilis dilində nəşr olunan kitab beş fəsildən ibarətdir. Birinci fəsildə qeyri-səlis şəbəkə nəzəriyyəsi, qeyri-səlis məntiq, qeyri-səlis modelləşdirmə, qeyri-səlis riyaziyyat və Z ədədlər haqqında ilkin məlumat verilir. İkinci fəsil ən yeni materialların seçilməsi və sintezi metodlarının nəzərdən keçirilməsinə həsr olunub. Qeyri-səlis material seçim metodologiyası üçüncü fəsildə nəzərdən keçirilir. Tələb olunan xarakteristikaya malik yeni materialların sintezi üçün qeyri-səlis metodlar dördüncü fəsildə, qeyri-səlis metodlardan istıfadə edərək material seçimi və sintezi haqqında araşdırmalar isə beşinci fəsildə verilib.

Kitab tədqiqatçı və mütəxəssislər üçün nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.