Bu ilin ikinci Ay tutulması başlayıb
Bakı, 27 avqust, AZƏRTAC
Avqustun 28-də bu ilin ikinci Ay tutulması başlayıb.
Bakı Dövlət Universitetinin Astrofizika kafedrasından AZƏRTAC-a verilən məlumata görə, bu dəfə Ay Yer kürəsinin yalnız kölgəsinin bir hissəsindən keçir və qismən tutulma müşahidə olunur. Ayın bir hissəsi qaralır, digər hissəsi isə işıqlı qalır. Yarımkölgəli Ay tutulması saat 05:23-də başlayıb. Qismən tutulma saat 06:33-də başlayacaq. Maksimum tutulma saat 08:12-də olacaq. Qismən tutulma saat 09:51-də, yarımkölgəli Ay tutulması saat 11:01:41-də başa çatacaq.
Tutulma Avropa, Afrika, Asiya və Amerikadan görünəcək. Azərbaycan ərazisindən yarımkölgəli Ay tutulmasının yalnız bir hissəsini səhər saat 05:23-dən 05:55-dək - Ay batana qədər müşahidə etmək mümkün olacaq.
Bölmənin digər xəbərləri
