REGİONLAR


Bu il Saatlıda 7 min ədəd tut tinginin əkilməsi planlaşdırılır

Saatlı, 12 dekabr, Mahir Babayev, AZƏRTAC

Saatlıda baramaçılığın əvvəlki şöhrətini qaytarmaq istiqamətində mühüm tədbirlər həyata keçirilir, yem bazasını möhkəmləndirmək məqsədilə yeni-yeni tut bağları salınaraq kümçülərə təhkim olunur.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, bu il Saatlıda 7 min ədəd tut tingi əkilməsi nəzərdə tutulub və artıq tinglərin əkininə başlanılıb. Əkin Mil-Muğan Meşə Meliorasiya İdarəsi tərəfindən aparılır. Tinglərin hamısının rayonun Şirinbəyli kəndi ərazisində əkilməsi nəzərdə tutulub və indiyədək 1600 ting əkilib. Bu iş bu gün də davam etdirilir.

Ting əkiləcək sahələrə əvvəlcədən aqrotexniki qulluq göstərilib, malalama aparılır, gübrə verilir. Tinglərin əkinində mütəxəssislər yaxından iştirak edib. Tut bağlarının uzunmüddətli yetişdirilməsi üçün dayanıqlı su təminatı nəzərdə tutulub.

Yüksək məhsuldarlığa malik olan bu ağac növünün gələcəkdə artırılması üçün özünün tinglərindən istifadə edilməsi də mümkün olacaq.

Qeyd edək ki, rayonda 2016-cı ildə 60 min, 2017-ci ildə 4 min, 2018-ci ildə 15 min və 2019-cu ildə isə 15 min tut tingi əkilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.