MƏDƏNİYYƏT


Estondilli kulinariya portalında Azərbaycan mətbəxinə dair geniş məqalə dərc olunub

Tallinn, 10 iyun, AZƏRTAC 

Estoniyanın https://dostavkabeer.ru  kulinariya portalında Azərbaycan mətbəxinə həsr olunmuş geniş məqalə dərc olunub.

AZƏRTAC xəbər verir ki, mətbəximizin bütün rəngarəngliyinin çatdırılmağa çalışıldığı məqalədə şah təamlarımızın demək olar ki, hamısının adı çəkilir, həmçinin qısa bişirilmə xülasəsi verilir.

Tarixi məqamların da əks olunduğu yazıda xüsusən qeyd olunur ki, bütün yeməklər türk adları daşıyır. Cürbəcür otlardan və ədviyyatlardan istifadə isə Azərbaycan mətbəxini digər Qafqaz xalqlarının mətbəxindən ciddi fərqləndirir. Daha bir xüsusi məqam isə, Azərbaycan mətbəxində istifadə olunan bütün ərzaqların təzəliyidir.

Məqalədə xalqımızın çay mədəniyyəti də geniş təbliğ olunur. Habelə içkilər də, o cümlədən kompotlar, şərbətlər, çiçəklərdən və otlardan çəkilmiş cövhərlər məşhurdur və xalq təbabətində istifadə olunur.

Çörək və şirniyyatlara da məqalədə geniş yer ayrılıb.

Məqalə çoxsaylı fotoşəkillərlə əhatə olunub.

Aygün Əliyeva

AZƏRTAC-ın xüsusi müxbiri

Tallinn

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.