SİYASƏT


Fransada Azərbaycanın Dostları Assosiasiyası Ermənistan silahlı qüvvələrinin hərbi təxribatlarını pisləyib

Bakı, 30 sentyabr, AZƏRTAC 

Fransanın paytaxtı Paris şəhərində fəaliyyət göstərən Azərbaycanın Dostları Assosiasiyası işğalçı Ermənistanın silahlı qüvvələrinin Azərbaycan torpaqlarında genişmiqyaslı hərbi əməliyyatlara başlamasını sərt şəkildə pisləyib.

Diasporla İş üzrə Dövlət Komitəsindən AZƏRTAC-a verilən məlumata görə, Azərbaycanın Dostları Assosiasiyasının prezidenti, fəxri millət vəkili Jan Fransua Manselin imzaladığı bəyanatda bildirilir ki, Azərbaycan öz hüquqlarını müdafiə edir və yaranmış vəziyyət beynəlxalq birliyin ətalətinin nəticəsidir: "Beynəlxalq hüquq normalarını və BMT qətnamələrini pozaraq Dağlıq Qarabağı işğal edən Ermənistan növbəti dəfə təxribat törədib və ciddi toqquşmalar baş verib. Bu vəziyyət, təəssüf ki, münaqişəni nəzarətә aldıqdan sonra heç vaxt beynəlxalq hüquqa uyğun həll təklif edə bilməyən beynəlxalq birliyin ətalətinin nəticəsidir".

Qeyd edilib ki, Assosiasiya uzun illərdir bu münaqişənin dondurulmamasını, Ermənistanın işğal etdiyi əraziləri azad etməli olduğunu bildirir. Bu istiqamətdə heç bir addım atılmasa yeni faciəlәr baş verәcәk. Fransa bu məsələdə öz sözünü deməlidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.