İDMAN


Futvolley üzrə dünya çempionu: Bakı turnirinə dəvəti məmnuniyyətlə qəbul etdim

Bakı, 14 iyul, AZƏRTAC

Azərbaycanda olmaqdan məmnunam. Bakı turnirinə dəvəti böyük məmnuniyyətlə qəbul etdim.

AZƏRTAC xəbər verir ki, bu sözləri Bakıda keçirilən futvolley üzrə açıq beynəlxalq turnirdə iştirak edən braziliyalı dünya çempionu Anderson Aquinyo deyib.

Azərbaycanın futvolley komandası haqqında fikirlərini bölüşən braziliyalı idmançı deyib: “Azərbaycan komandasının oyununu ilk dəfə gördüm. Yaxşı komandanız var. Belə beynəlxalq yarışlarda mübarizə aparmaq komandanıza böyük təcrübə qazandırır. Azərbaycan komandasının böyük uğurlara imza atacağına inanıram”.

A.Aquinyo Bakıda beynəlxalq turnirin yüksək səviyyədə təşkil edildiyini, yarışın baş tutması üçün bütün lazımi işlərin peşəkarlıqla həyata keçirildiyini vurğulayıb.

İki gün davam edəcək yarışda dünyanın 8 ölkəsinin komandası mübarizə aparır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.