Gürcüstanın Axalkələki rayonunda yerli erməni sakinlərlə polis arasında qarşıdurma olub
Tbilisi, 6 iyun, AZƏRTAC
Gürcüstanın Axalkalaki rayonunda polislə yerli erməni sakinləri arasında qarşıdurma olub.
AZƏRTAC xəbər verir ki, bu barədə Gürcüstan Daxili İşlər Nazirliyi (DİN) məlumat yayıb.
Məlumatda deyilir ki, yol patrul xidmətinin əməkdaşı yol hərəkəti qaydalarını pozan sürücünü saxlayıb. Sürücüyə inzibati cərimə yazarkən, bir neçə yerli sakin polisi əməkdaşlarına müqavimət göstərib.
Baş vermiş qarşıdurma zamanı kənd sakinləri polis əməkdaşlarını təhqir edib, sonra isə fiziki təzyiq göstəriblər. Nəticədə iki nəfər polisə qarşı müqavimət və xırda xuliqanlığa görə saxlanılıb. Saxlanılan şəxslər polis bölməsinə aparılıb.
Həmin şəxslərdən biri səhhətində yaranmış problemlə bağlı xəstəxanaya çatdırılıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
