REGİONLAR


“Heydər Əliyev Kuboku” uğrunda voleybol turnirinin qalibi “Culfa” komandası olub

Naxçıvan, 21 may, AZƏRTAC

Naxçıvan şəhərində yerləşən İlham Əliyev adına Olimpiya İdman Kompleksində Ümummilli Liderin anadan olmasının 99-cu ildönümünə həsr olunan “Heydər Əliyev Kuboku” uğrunda voleybol üzrə muxtar respublika turniri başa çatıb.

Muxtar respublikanın Gənclər və İdman Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, kişilərdən ibarət komandaların iştirak etdiyi turnirdə kollektivlər iki yarımqrupda mübarizə aparıb. Qrupu ilk iki sırada bitirənlər play-off mərhələsinə adlayıblar. Üç gün davam edən yarışın son günündə iki oyun keçirilib. Üçüncü yeri müəyyənləşdirən “Şərur”-“Sədərək” görüşündə üstün tərəf şərurlular olub: 3-1 (25:13, 25:27, 25:20, 25:17).

Final qarşılaşmasında isə “Naxçıvan” və “Culfa” komandaları üz-üzə gəliblər. Gərgin və maraqlı mübarizədən 3-1 (25:21, 20:25, 25:18, 25:23) hesablı qələbə ilə ayrılan Culfa təmsilçisi turnirin qalibi olub.

İlk üçlükdəki komandalar diplom və hədiyyələrlə təltif ediliblər. Əsas mükafat – “Heydər Əliyev Kuboku” Culfa voleybolçularına verilib. Mükafatları gənclər və idman naziri Ramil Hacı və Voleybol Federasiyasının sədri Mənşur Gülməmmədli təqdim ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.